Kontaktiga lingvo
Esperanto estas lingvo kiu plifaciligas komunikadon inter homoj el diversaj partoj de la mondo. Per Esperanto facilas ekhavi amikojn tutmonde.
-
-
Internacia lingvo
Esperanto estas uzata de homoj disigitaj en ĉ 120 landoj. Ĝi estas tre ŝatata lingvo de miloj da homoj en Azio, Afriko, Ameriko kaj Eŭropo.
-
Konstruita lingvo
La bazon de Esperanto kreis L.L. Zamenhof, lingvotalenta okulkuracisto, kiu volis helpi al homoj facile komuniki kaj amikiĝi trans la landlimoj.
-
Vivanta lingvo
Esperanto evoluas simile kiel aliaj lingvoj. Ĝi estas uzata i.a. dum internaciaj seminarioj kaj festoj, en interreto kaj en plurlingvaj familioj.
-
Lingvo kiu sentiĝas natura
Estas agrable paroli, skribi kaj kanti en Esperanto. Muzikgrupoj kaj verkistoj el diversaj landoj volonte uzas Esperanton en siaj verkoj.
-
Interesa lingvo
La gramatiko de Esperanto estas klara kaj preskaŭ tute sen esceptoj. El unu vortradiko eblas facile krei multajn vortojn per vortfinaĵoj kaj afiksoj (antaŭ- kaj postsilaboj).
-
Relative facila kaj justa lingvo
Estas kutime relative facile lerni Esperanton. Alia avantaĝo estas ke neniu popolo havas grandan lingvan aŭ psikologian superregon kiam Esperanto estas uzata.
-
Malfermita lingvo
Ĉiuj estas bonvenaj lerni Esperanton kaj konsideri ĝin sia lingvo. Uzado de Esperanto ofte kreas scivolemon ankaŭ pri aliaj lingvoj.
-
Lingvo kiu funkcias kiel ponto
Por povi rekte kaj facile paroli kun homoj en aliaj landoj, multe helpas havi komunan lingvon. Esperanto estas tre taŭga por interkultutaj kontaktoj.
-
Facile alirebla lingvo
La naturaj lingvoj estas kiel belaj sed malfacile alireblaj naturregionoj. Esperanto estas kiel agrabla parko kie ĉiuj kiuj volas povas facile promeni.
-
Lingvo por la estonteco kaj nun
Esperanto estas lingvo por la estonteco, sed jam hodiaŭ eblas uzi ĝin en pluraj manieroj kaj ekhavi novajn amikojn en multaj landoj.
-
Lingvo pli koninda
Ĉi tie vi povas legi pri Esperanto, aŭskulti la lingvon, vidi filmon pri ĝi, legi personajn rakontojn ktp. Pli pri la paĝaro troviĝas sub Prie.
